పూర్తి ప్రశ్న: అయ్యగారు, ఒకవైపు కుటుంబ బాధ్యతలు, వ్యాపారాలు, ఉద్యోగాలు ఉంటాయి.. మరోవైపు విసుగక ప్రార్థన చేయమంటారు. ఇవి రెండూ ఏకకాలంలో ఎలా సాధ్యం? దీనిని మీరు చెప్పే ‘ద్వంద్వావధానము’ అనే పద్ధతిలో ఎలా ఆచరించాలి? 
సమాధానం (దైవజనులు రంజిత్ ఓఫీర్ గారి వివరణ) 
భక్తి సాధనలో కీలకమైన ద్వంద్వావధానము గురించి దైవజనులు ఇలా వివరించారు:
రెండు ఆజ్ఞల మధ్య సమతుల్యం: బైబిల్లో ఒక శ్రేష్టమైన అంశాన్ని మనమే మొట్టమొదటిసారి దేవుని కృప చేత బయట పెట్టాం. భార్య భర్తకును, భర్త భార్యకును తన ధర్మము జరపవలెను అన్నాడు. అదే బైబిల్లో విసుగక నిత్యము ప్రార్థన చేయవలెను అన్నాడు. తన సొంత ఇంటి వారి బాగోగులు చూసుకోని వాడు అవిశ్వాసి కంటే చెడ్డవాడు అన్నాడు. ఇవన్నీ అమర్చి పెట్టాలి అంటే వ్యాపారమో, ఉద్యోగమో ఏదో చేయాలి. అది చేస్తూనే విసుగక నిత్యం ప్రార్థన చేయాలి. 
ద్వంద్వావధానము అంటే ఏమిటి?: దీనికి నేను ఒక పేరు తగిలించా.. ‘ద్వంద్వావధానము’ అన్నాను. ఏ పని చేస్తున్నా సరే మైండ్లోని ఒక సెక్షన్ను ఈ లౌకిక విషయాల కొరకు కేటాయించి, మన మనసులోని ఒక భాగాన్ని దేవునితో సహవాసానికి కేటాయించాలి. అప్పుడు ఈ లోక కార్యక్రమాలన్నీ చేస్తూనే, వితౌట్ బ్రేక్ (ఎడతెగకుండా) ప్రార్థన కొనసాగించవచ్చు. మనం చేసే వ్యవహారం పాపము కానంతవరకు ఈ ప్రార్థన కట్ కాదు. 
కనెక్షన్ ఎప్పుడు కట్ అవుతుంది?: దేవునికి అసహ్యమైన పనులు.. వ్యభిచారము, జారత్వము, దొంగతనము ఇట్లాంటి చెడ్డ పనులు చేస్తూ మనం ‘ద్వంద్వావధానం’ అని ప్రార్థన చేయలేం. అక్కడ కనెక్షన్ కట్ ఆఫ్ అయిపోతుంది. దేవుడు నియమించిన ప్రకృతి సిద్ధమైన, న్యాయమైన, సమంజసమైన పనులు ఏది చేసినా ప్రార్థన బ్రేక్ కాదు. హనోకు 300 సంవత్సరాలు కుమారులు, కుమార్తెలను కనుచు దేవునితో నడిచాడు. అంటే భార్యతో సంసారం చేస్తూనే దేవునితో నడవడం ఆపలేదు. 
ముగింపు: మనం చేసే ప్రతి పని దేవునికి ఇష్టమా కాదా అని చూసుకోవడం, దేవునికి ఆయాసకరమైన పనులకు దూరంగా ఉండడం, ప్రార్థన మాత్రం 24 గంటలు కొనసాగించడం.. ఇది పౌలు తరమైనా, హనోకు తరమైనా, ఇప్పుడు మన తరమైనా అదే భక్తి సాధన అని అయ్యగారు స్పష్టం చేశారు. 
వీడియో టైమ్డ్ లింక్: http://www.youtube.com/watch?v=2vaoSKylKoA&t=317s