(అపో. అద్దంకి రంజిత్ ఓఫీర్ గారు)
జవాబు: నేను రెండు అనుభవాలు చెబుతాను. చాలా విచిత్రము.
1. అనంతపూర్లో నేనోసారి CSI Church Compound లో వాక్యం చెబుతూ అక్కడ ఏంటంటే మొత్తం ప్రసంగాలన్నీ 147వ కీర్తనలోనుండే చేసాను. ఆ కీర్తన మీదనే ఒక పాట ఉంది గదా “దేవునికి స్తోత్రము గానము చేయుటయే మంచిది” మనమందరమును స్తుతి గానము చేయుటయే మంచిది. Actual గా అది వ్రాసినటువంటి దైవజనుడు అక్కడే ఉన్నాడు అనంతపూర్లో ఇంకా వారు సజీవులై, ఆనందంగా ఆరోగ్యంగా ఉన్నారు. వారు దైవజనులు Pastor Elisha గారు హెబ్రోను సహవాసం. ఆయనే ఇంకా చాలా పాటలు వ్రాసారు. ఇంకా వ్రాస్తానే ఉన్నారు. దాదాపు 100 యేళ్ళ వయస్సు ఇప్పుడాయనకు. నేను చెప్పేది 35 సంవత్సరాల వెనుక లేదో కనీసం 30 సంవత్సరాలు కిందట. ఒక పెద్ద మనిషి ఆ సభలో వచ్చి నాయనా, ఈ సభల్లో 147వ క్రీర్తన మీదే ప్రసంగాలు చేసావు. మాటిమాటికి నీవు ఆ పాట ఎత్తుకుంటున్నావు. “దేవునికి స్తోత్రము గానము చేయుటయే మంచిది. అంత ఇష్టమా నీకు ఆ పాట అన్నారు ఆ పాట ఇష్టం లేనిది ఎవరికి Uncle అందరికి ఇష్టం కదా, లక్షలమందికి ఇష్టం. నేనెంతటి వాడను. అదొక అద్భుతమైన గీతం కదా! ఏంటి Uncle మీకు ఇష్టం లేదా అని నేను అడిగాను. ఇష్టం లేకపోవడం కాదు నాయానా! అది వ్రాసింది నేను అన్నాడు ఎలీషా గారు. నాకు నా నెత్తిన పిడుగుపడ్డట్టు shock. అంతటి మహా భక్తుడు నన్ను వాళ్ళ ఇంటికి పిలిచి భోజనం ఏర్పాటు చేసారు. ఆయనకు చాలా మంది కూతుర్లు అన్నయ్య అని నన్ను చాలా ప్రేమగా చూస్కున్నారు. ఆయన చెప్పాడు నాయనా! నీవు నన్ను చాలా ఘనపరిచి మాట్లాడుతున్నావు గాని, నేనే నీ అభిమానిని, నీ పాట నన్ను బ్రతికించింది బాబు అన్నారు. ఏ పాట అంటే మేలాయేసు ప్రభు” నేను చాలా కృంగిపోయినప్పుడు ఆ పాట విని నేను బ్రతికిపోయాను.
- అలాగే ఓసారి నేను హెబ్రోను కెళ్ళాను అక్కడ “జోన్” ఆంటి అని ఒక అమ్మగారు ఉండేవాడు. Full time సేవకురాలు. ఆ ఆంటిగారు Ophir babu ను పిలిపించు, పిలిపించు అని అంటే ఒకసారి వెళ్ళా. వెళ్ళి వాళ్ళ రూమ్లో కూర్చున్నప్పుడు Harmonium తెచ్చారు. పాడమనంటే కొన్ని పాటలు పాడాను. ఒకాయన White-suit, Tie కట్టుకొని వచ్చారు పెద్ద మనిషి వందనాలు అని చెప్పాను. Praise the Lord అని చెప్పాను. కూర్చో కూర్చో బాబు అన్నారు. ఆయన ఎవరు అన్నంటే సీయోను పాటలకు, సీయోను గీతములు అనే బుక్ కు ఆ పేరు రావడానికి కారణం, దాదాపు 100 వరకు సీయోను, సీయోను అనే పదంతో ఆరంభమయ్యే పాటలన్నీ వ్రాసింది ఆయనే. ఆయన పేరు B.J. Paul గారు అంతపెద్ద దైవజనుడు. “సీయోను పాటలు సంతోషముగ పాడుచు సీయోను వెళ్ళుదము” అదొకటి “. సీయోను పురమా సర్వోన్నతుని శృంగార పురమా” ఇవన్నీ ఆ అయ్యగారు వ్రాసినవే. ఆయన వస్తే నాకు కాళ్ళు, చేతులు ఆడడం లేదు. చాలా పెద్దవాడు దైవజనుడు. అభిషక్తుడు. ఓఫీర్ వచ్చాడని విని నేనొచ్చాను చూడడానికి, అన్నారు. నేను మీకు తెలుసా అంటే, “తెలీడం ఏంటి బాబు, ఒక పరిస్థితిలో నేను చనిపోతానేమో అనుకున్నాను నీ పాట నన్ను బ్రతికించింది నాయనా”. అని ఈ పాటలు చెప్పారన్నమాట. అప్పటికి ఇంకా నేను “నీ వాక్యమే శ్రమకొలిమిలో” వ్రాయలేదు. “మేలాయేను ప్రభు” పాట నన్ను బ్రతికించింది బాబు అని అన్నారు. అట్లాంటి అనుభవాలు చాలా ఉన్నాయి. వాళ్ళ పాటలతో నేను బ్రతికేసాను అని నేను అనుకుంటుంటే, నా పాటే బ్రతికించిందని వాళ్ళు సాక్ష్యం ఇచ్చారు. ఏదైనా పరిశుద్ధాత్మ దేవుడే వాళ్ళ పాటను వాడుకొని, నా పాటను వాడుకొని భాదితులను బ్రతికించినాడు. గానీ అలాంటి మధురమైన అనుభవాలైతే కొన్ని ఉన్నాయి.