(అపో. అద్దంకి రంజిత్ ఓఫీర్ గారు)
జవాబు: మత్తయి సువార్త 5వ అధ్యాయంలో యేసుప్రభు యొక్క ఉపదేశం విధానము ఏమిటంటే the mode of preaching The mode of teaching. ఆయన వాడిన పదజాలములో ఏ విషయానికి నీవు ఎంత Intensity of interest, ఎంత priority ఎంత attention ఇవ్వాలో, దాన్ని ఎంత తీవ్రమైనదిగా నీవు ఎంచాలో అనేది అర్థం కావడం కొరకు కొన్ని విషయాలు ఆయన మాట్లాడాడు. కానీ అక్షరాలా కాదు. అదే 5వ ఆధ్యాయంలో అక్షరాలా మనం తీసుకోలేనటువంటి విషయాలు ఎన్నో ఉన్నాయి. అదేమిటంటే నీమీద వ్యాజ్యెము వేసి నీ అంగీ తీసుకొనగోరిన యెడల వానికి నీ పై వస్త్రముకూడా యిచ్చివేయుము అని అంటే . ఒకడు పై వస్త్రం ఇవ్వమంటే పై వస్త్రం ఇస్తాము. ఇంకొకడు pant ఇవ్వమంటాడు, అది కూడా ఇవ్వాలి. అన్ని అలాగ అంటే అది not practicable. అలాగే 42వ వచనం “నిన్ను అడుగు వానికిమ్మ, నిన్ను అప్పు అడుగ గోరువాని నుండి నీ ముఖము త్రిప్పుకొనవద్దు”. ఎవరైనా సరే అయ్యా! కొంచం అప్పు ఇవ్వండి అంటే లేదు అనే మాట అననేవద్దు అంటాడు. ఒకడు మైలు దూరం రమ్మంటే రెండు మైళ్ళు పొమ్మంటాడు. ఇది ఏంటంటే Attitude ని సూచించే మాటలే తప్ప – మనం ఈ దుకాణం పెట్టుకున్నాం అనుకోండి ఎవరైనా నన్ను మైలు రమ్మంటే రెండు మైళ్ళు పోతా, నాలుగు మైళ్ళు రమ్మంటే ఎనిమిది మైళ్ళు పోతా అని పెట్టుకుంటే life అంతా తిరగడమే సరిపోతుంది. మనకు కాపురాలు, వ్యాపారాలు, ఉద్యోగాలు ఏవీ ఉండవు. గనుక 5వ అధ్యాయంలో ఉపదేశ విధానం ఏంటంటే severity of the issue గురించి చెప్తున్నాడు.
ఇప్పుడు మీరు అడిగిన ప్రశ్నకు వస్తాను. ఇప్పుడు కూడా కన్ను అభ్యంతరము, ఎడమ కన్ను అభ్యంతరము కాదు. రెండు ఒకదాన్నే చూస్తయి కుడి కన్ను ఒకవైపు, ఎడమ కన్ను ఇంకో వైపు చూడవు కదా! కుడికన్ను మోహపు చూపు చూస్తే, ఎడమ కన్ను కూడా అదే చూపు చూస్తుంది. ఇక్కడ విషయం ఏంటంటే, కన్ను పోగొట్టు కోడానికి ఎవడు ఇష్టపడడు. కన్ను అనేది మన ఇంద్రియాలలో ప్రధానమైనది. కన్ను పొగొట్టుకోడానికి ఇష్టపడడు కదా! అయితే అంతకన్నా ఎక్కువగా నీవు పరిశుద్ధతను పోగొట్టుకోకుండా ఉండాలి. ఒక కన్ను పెకలించమనే Ideaనే ఎంత బాధగా, ఎంత shocking గా ఉంటుంది? ఒక కన్ను మనం పెకలించుకోగలమా? పెకలించుకోలేము. అలాగే నీ కుడి కన్ను పెకలించి పారవేయమంటే నీకెంత బాధ ఉంటుందో పరిశుద్ధతను పోగొట్టుకున్నప్పుడు, కళ్ళతో చెడ్డ చూపు చూసినప్పుడు అంత బాధ ఉండాలి. అనే concept కొరకు చెబుతున్నాడు. కుడిచెయ్యి ఎడమ చెయ్యి అనే concept వేరు వేరుగా ఏం ఉండదు. కానీ ఏ పనైనా కుడిచేతితో చేస్తాము కదా! General గా ఎడమ చేతి వాటం ఉన్నవాడు తప్ప మిగతా వాళ్ళందరు ఏదైనా ముందు కుడిచెయ్యి తీస్తారు. భోజనం చేయాలి, ఏదైనా వస్తువును ఎత్తాలి, ఏదైనా వ్రాయాలి అంటే కుడి చెయ్యి అవసరం. మనుషులందరికీ General గా కుడిచెయ్యి వాటం ఉంటుంది. లేదా ఎడమచేతి వాటం. అసలు కుడి చేతిని గనుక తొలగించుకుంటే ఏ పని చేయలేడు. గనుక పరిశుద్ధత అనే దానిని నీవెంత ప్రేమించాలి అంటే, “చెయ్యే లేకుండా బ్రతకడానికికైనా ఇష్టమే కానీ, పరిశు ద్ధత లేకుండా బ్రతకను” అని అనుకోవాలి. కన్ను లేకుండానైన బ్రతుకుతాను కానీ, పరిశుద్దుత లేకుండా బ్రతకను అని అనుకోవాలి. పరిశుద్దత అనే దానికి నీవు కంటికి ఇచ్చిన దానికంటే ఎక్కువ ప్రాధాన్యత ఇవ్వాలి. నీ చేతులకు ఇచ్చిన దానికంటే ఎక్కువ ప్రాధాన్యత ఇవ్వాలి. Holyness is so important అని ప్రభువు నేర్పిస్తున్నాడు. అలాగే మోహపు చూపు చూసే విషయంలో, ఒక స్త్రీని మోహపు చూపు చూస్తే అప్పుడే అక్కడే వ్యభిచరించిన వాడగును అని అన్నాడు. ఆ లెక్కన మోహపు చూపు చూసిన వారందరిని నరకంలో పడేస్తాడా దేవుడు? అసలు మోహపు చూపు – వ్యభిచారం ఎట్లా సమానం అవుతుంది? ఒక అమ్మయితో ఈ అబ్బాయి వెళ్ళి వ్యభిచారం చేస్తే ఆమెకు గర్భం వస్తుంది. గర్భిణీ అవుతుంది. వీడు దినమంతా మోహపు చూపు చూసినా ఆమెకు గర్భం వస్తుందా? రాదు కదా! ఒకవేళ ఆమెను వీడు శారీరకంగా కలిస్తే ఆమెకు రోగాలుంటే వీడికి వస్తాయి. వీడికి రోగాలుంటే ఆమెకు వస్తాయి. మరి మోహపు చూపు చూస్తే రోగాలు అంటుకుంటాయా? పిల్లలు పుడతారా? పుట్టరు కదా! గనుక మోహపు చూపు 100% = వ్యభిచారం కాదు. కానీ ఒకమ్మాయితో శారీరకంగా వెళ్లి వ్యభిచారం చెయ్యాలంటే నీవెంత భయపడతావో, మోహముతో చూడడానికి కూడా అంత భయపడాలి. కళ్ళు అటు వెళ్ళగానే వెంటనే ఉలికిపడి ఆ దశలోనే దాని కత్తిరించేసేయాలి ఆ తలంపును. చూడడానికి ధైర్యం తెచ్చుకుంటే ఈ ధైర్యమే రేపు నిన్ను తప్పు చేయడానికి కూడా నడిపిస్తుంది. So, ఉపదేశ విధానం ఏంటంటే మోహపు చూపు చూడడానికి నువ్వు చాలా భయపడాలి. పరిశుద్ధత అనేది ఎంత ముఖ్యంగా ఎంచుకోవాలంటే, నీ చెయ్యి కంటే నీ కన్ను కంటే ముఖ్యం పరిశుద్ధత. ఆ యొక్క Priority, intensity కొరకు చెప్పాడు తప్ప, వేరు వేరుగా ఎడమ కన్ను, కుడి కన్ను, ఎడమ చెయ్యి, కుడి చెయ్యి అలాగ ఉండదు ఇది దాని భావం.